شعر عن كل قبيله

اذكر قبيلة يام والطيب يندار **** اهل العلوم الوافيه والرشيده

وارض بها قحطان وافين الاشبار **** و يا عز منهم بالشدايد بسيده

واذكر عتيبه يوم للطيب مغوار **** لا ثارت الهيجا وقرب ضديده


وشمر هل الطولات والجود مقدار **** اهل الكرم واهل الفعول الحميده

وقوم اعنزه مروين الاخصام الامرار **** أولاد وايل من عصور عهيده


ومطير قوم تكرم الضيف لا زار **** وياويل خصم في حراهم وعيده

واذكر قبيلة حرب يانعم الاخيار **** وتاريخهم يحكي سطور مجيده


وسبيع نعم القوم ووجيه الاسفار **** زبن الدخيل ليا زبن من طريده

ثم الدواسر تجعل الخصم منهار **** عيال زايد عز منهم سنيده
ثم السهول اللي لها الطيب مدرار **** وعن منهج العادات ما هي محيده


ثم اذكر العجمان حماية الجار **** والمرجله والجاه فيهم عتيده

ثم الهواجر لا به تقدح النار **** أهل الركاب اللي خطاها بعيده

واذكر بني خالد قبيلة وامار **** قوم لهم في المجد قول ورصيده


وبني تميم اللي لها الطيب مصدار **** بني تميم وكل فعل تجيده

العازمي وافي وفي الطيب بيطار **** روحه على كل المصاعب صميده

ثم الظفيري في المصاعيب جبار **** والطيب والامداح باصله وطيده


ثم اذكر الاشراف بجلال واكبار **** اهل الحجاز اللي تفك الزهيده

ثم الهذيلي له مواقف ومندار **** راعي الفخر راعي العلوم السديده

ثم البقوم اللي لهم جيش وامهار **** ريف الضيوف ليا لفاهم وليده


واذكر ثقيف اللي لهم مجد وآثار **** ومهما حسبنا من كلام نعيده

والمالكي معروف لا صار ما صار **** في موقف اهل الطيب يبذل جهيده

وبني عطيه في المواجيب حضار **** قوم بوقت الجد قوم